Nō ngā rangi whakatā nei timatahia ai te tau hou haupoi hukapapa o Aotearoa. He tuakana teina nō Ngāi Tahu ētahi o ngā kaitakaro.
Kua roa a Michael me Ritchie Hopkinson e takaro haupoi hukapapa ana. Nā whai e piri poho tonu ana rāua.
Hei tā te teina, hei tā Ritchie, nā te takaro mō Botany Swarm e āhei ana rāua kia kōrero tahi, kia ngāhau tahi hoki.
Kua whai kainga rua rāua i te hākinakina nei, otirā i te whare o Paradice Ice. He kaiwhakahaere rāua tahi i tētahi kapa haupoi hukapapa ngāhau, hei tā Michael, ka whai wāhi tonu rāua kia kōrero i ngā kōnekeneke o te hākinakina.
Nō rāua e tamariki ana i kaingākautia te hākinakina nei. I a rātou e takaro haupoi retireti, ka whai wāhi atu ki te haupoi hukapapa. I kite e Michael i tētahi pānui i Paradice Ice e mea ana he wā kore utu mo ngā kaiārai, katahi ia ka tūhono atu. Hēoi, he rite tonu te kī atu o tōna māmā, kua tino nui te utu o taua wā kore utu.
I roto i ngā tau kua piki, heke te haere o te kapa Swarm, ā e pakaru tonu ana ngā kerekere.
E ai ki te whakapae ā Michael, kua pukumahi te kapa i tēnei tau, kua kaha ake ngā tinana, te hauora aha atu. Ka mutu e tino hiahia te kapa kia whakairihia anō he haki ki te tara ā whare.
Tokowha ngā haki e iri ana inaianei, hēoi nō te tau 2011 te mea whakamutunga.
E hikaka hoki a Ritchie ki te tau e tau e heke mai nei. Hei tāna, hei te mutunga o te tau kite ai i ngā hua o te puku mahi e kōrerohia nei e tōna tuakana.
I wikitōria e te Swarm ki ngā Red Devils nō Waitaha, i ngā kēmu e rua timatanga o te tau. I riro i ā Ritchie i tētahi kuru i te kēmu tuarua i te Rātapu.
Ka takaro anō te Swarm hei te mutunga wiki i muri i ngā Rā Whānau o te Kuini, ki ngā Thunder ō Ōtepoti.