Ko te kai-ārahi takirua o te Rōpū Kākāriki, ko Marama Davidson kei te whakapāhā atu ki ngā iwi e whakahē ana i te whakarahinga ake o ngā wai Māori ka tangohia atu i te mātāwainuku o Otakiri, i Te Waiariki.
E whai ana tēnei i te whakaaetanga a te Kāwanatanga ki te tono a te kamupene o Cresswell NZ Ltd nō Haina kia mapuhia atu te piriona rita o ngā wai Māori, ia tau. Ono tekau ngā tūranga mahi ka tū ki konei atu i ngā tau e whā, he kaupapa i whakamanahia e te Minita, e Eugenie Sage, ahakoa rā te whakahē a tōna rōpū tōrangapū. Ki ta Marama Davidson, “ka aroha ki te ao Maori, ka aroha ki nga mana whenua me nga hapu o tera rohe o Whakatane i rongo ahau i o ratou mamae, kei te whakaae ahau ki tena, a, ko tena te hapa o te ture no reira ka haere tonu taku mahi, te mahi o te paremata ki te tini i tera ture”.
Engari ki ta te kawanatanga kua tau kē te whakatau. Kua tono atu a Creswell NZ Ltd, he wāhanga o te kamupene Ngonfu Spring nō Haina, ki te hoko i te ono ira rua heketea ki te whakawhānui ake i te whare takawai o Ōtākiri.
E māharahara ana a Mike van der Boom, he kiritata ki te whare takawai. Moku ake kei te whakahoko i te waka mo etahi ika, kei te whakahoko wai me te whakaaro hei nga ra kei mua i a tatau tera pea ka memeha ko nga hua kei te haere ki ta wahi, ahakoa kei te whiwhi mahi ano nei ko nga pu me nga paparua noa iho tenei. I tēnei wā tekau ngā tūranga motuhake, tokowhitu ngā kaimahi hangere heoi ka piki taua nama ki te whakaaetia katoatia ngā tono mō ngā mahi whakawhānui.