Hei āpōpō tīmata ai te Ice Hockey Classic ki wāenganui ia Āmerika me Kānata.
Ko ngā tuakana teina Brennan ētahi o te kapa nō Āmerika e whakatairanga ana i te haupoi hukapapa ki Aotearoa. Hei tā te teina, hei tā Shane, ko te haupoi hukapapa te hākinakina papai rawa o te ao, me whakatairanga ka tika.
Nō nā pō nei, i whai wāhi atu ngā kaitakaro nei ki te tūtaki ki ngā apataki haupoi hukapapa o Aotearoa. Ka mutu, i kite ā kanohi e ngā tuakana nei i te haka mō te wā tuatahi, he mea kua kitea noa ki runga ipurangi. Hei tā TJ Brennan, he mea wehi i ā ia, ka mutu he mea tuku iho nō Aotearoa, nā reira e mīharo ana ia i whai wāhi atu ia ki tērā āhuatanga. . Hei tā Shane, i kite e ia i te tino māia o Aotearoa i te haka.
Ko TJ tētahi o ngā kaitākaro kua eke ki te taumata o te NHL i Āmerika. Ahakoa e kaingākau ana ia ki tēra āhuatanga, he rawe tonu ki a ia te whaikatairanga i te kēmu ki te ao katoa.
Kua tata pau katoa ngā tīkiti mō te tukinga ō Āmerika ki Kānata āpōpō ki Spark Arena āpōpō. Hei tā TJ anō, he maha ngā ara e manahau ai te hunga mātaki, ka kore rawa e nanu. Ko te whai kuru, te tutuki nekehanga miharo, ētahi o aua ara.
Hei āpōpō te kēmu tuatahi o te Classic, hei te Rāhoroi ki te Whanganui ā Tara. Kātahi kā hūnuku ki Tāhuna mō te kēmu tuatoru hei te Rāpare.