Tokorua ngā rangatahi nō Kawerau ka haere hei māngai ki te taiopenga whakatipu rangatira mo āpōpō ka tū ki Te Whanganui a Tara hei te mutunga o tēnei marama. Ko Iraia Nuku rāua ko Whaiora Patrick i tohu nā ngā mātanga rangatahi o Kawerau i tautoko kia haere rāua nō te tau ka huri kotahi mano, toru rau ngā kaiwhakakanohi i tae ki tēnei taiopenga. He akoranga hou te taiopenga ma Whaiora Patrick ā mo te wā tuatahi ka tae atu ia ki te taiopenga.
“Ko te take kua tohua au hei kaikōrero na runga i ōna wheako mo te noho rawa kore ko ngā mema o taku whānau, hoa kua pā ki tēnei tūahua”. Ko te taiopenga o āpōpō tētahi hui ā tau hei tauawhi i te hunga rangatahi o Aotearoa ki te wānanga, kōrero tahi hoki mo ngā take nui e whai pānga ana ki ngā rangatahi pēnei i te whakamomori me ngā take kaunihera a rohe hoki. Nō Kawerau a Iraia Nuku, ā, hei tāna “kei te hiahia au kia aro mai te rangatahi ki ahau, me te whakaaro anō ahakoa ngā uauatanga i tutuki i a ia tāna hiahia, ahakoa ngā raru, i mahia ngā uaua”.
Nō te tau rua mano tekau mā toru i uru a Iraia ki te kaunihera rangatahi o Kawerau, e tekau mā waru ōna tau, ā, ko te mana motuhake me te whakawhiti whakaaro āna kaupapa kōrero ki te hui. “He mea nui tēnei whakatau, ā, kua whai wāhi ahau ki roto i ngā mahi kōrero, rangatira, kia whai reo tētahi mai a Kawerau”. He māngai mate hinengaro a Whaiora, ā ka kōrero ia e pa ana ki ngā tamariki rawakore. “Na te mea he rangatahi Māori ahau, rangatahi wahine Māori nō Kawerau ko tāku kia aro mai te hunga kei te kawe i a tātau ki te o te rangatahi”. Ka tū te taiopenga mo āpōpō ki Te Whanganui a Tara mai i te rua tekau mā whitu ki te rua tekau mā iwa o tēnei marama.