Ko ngā whiringa toa i whakarewa i te rangi tuatahi ki te wāhanga Elite, ā, i tino eke te kounga o te whakataetae nei, he tohu i te taumata ka kitea e tātou.
Ko te kapa waka hourua tāne toa o Aotearoa te kapa tuatahi i rēhi hei māngai mo Aotearoa.
Wairuatoa, ko te mētara Hiriwa te hua.
Whai tata iho ko te kapa hourua wāhine toa o Aotearoa, nā rātou tēnei taitara i wikitoria i te whakataetae a ao ki Ahitereiria
A i pērā anō te taumata i tēnei tau, he mētara koura te hua.
He tauira pai ngā wāhine mō ngā tamāhine, i pērā hoki te hua mā ngā Elite Junior Womens, ki te rēhi takiono rima rau mita te tawhiti
Engari nga taitamatāne, i te whiringa toa takiono rima rau mita te tawhiti, he metara Hiriwa kē te hua.
Hei āpōpō tū ai ngā rēhi whakamutunga mō te wāhanga Elite, i mua i te timatanga o ngā rēhi a karapu.