He whāea tauiwi, toko toru āna tamariki e hiki ana i te wero o Mahuru Māori, he kaupapa kōrero i te reo anake mō te hei te marama o Mahuru. Hei tā Laura Quin ko te hāngai pū ki te wero e whai aro ai āna tamariki ki ngā whakatūpato o te ahua kaikiri.
Hei tā Quin ko te mahi o Aotearoa katoa ki te hāpai te reo Māori me te ao Māori.
“Tino nui te kaikiri ki roto i Aotearoa,” i mea atu ia.
“Kāore au e pīrangi i te whāngaia te kaikiri ki roto i ōku tamariki.”
E toru mano ngā tāngata kua rēhita ki te kawe i te kaupapa i whakarahia e Paraone Gloyne e rima tau ki muri, ahakoa te manahau, he nui tonu ngā mahi ki te whakawhanui atu i te reo i tēra o te marama.
“Nā Tāwhiao te kōrero, Tērā atu anō āku hoa nō ngā tōpito e whā’,” i kī atu a Gloyne, “e kore te reo Māori e ora i te iwi Māori anake.”
Ā, ko Laura Quin tētehi o aua toa.
Nō tērā tau a Laura i tīmata ai i tana haerenga ako i te reo. I tēnei tau ko rāua ko tōna kaiako reo e kōrero ana i te reo Māori anake i tēnei marama.
“He tauira pai ki a ngāi tauiwi tuatahi,” i mea atu a Whakarongotai Hohepa, “tuarua he pai ki ngāi Māori tonu kia kōrerotia tō tātou tāonga aparei ahakoa ki a wai, ahakoa ki whea.”
Tērā ana te korero he reo ka whai atu i te moa, wheoi ināianei he nui te tōmina mō te reo.
E rua tekau mano e ai ki ngā tatauranga tātou te hunga kōrero Māori.
Hei tā Gloyne kia kōrero tāua rua tekau mano kōrero Māori nei mō te kotahi marama kātahi pea tātou ka kite te whakatīnana i tērā kōrero.