Ka tuwhera 'Te Ahurei Māra Putiputi o Aotearoa' āpōpō ki te uru o Tāmaki, i tēnei tau ka whai wāhi atu te hunga kore kāinga ki te whakātu o rātou mahi whakairo. Ko te rōpu Taniwha Tales tērā e awhina ana i te hunga kore kāinga mā te ako i ngā mahi whakairo tawhito auaha hoki.
I timata ngā akoranga whakairo ki Opanuku i te tau rua mano tekau mā rima, he kaupapa whāngai i te hunga kore kāinga. Ka tiro whānui te kaupapa nei ki tua atu i ngā pukenga whakairo, ko te whai oranga pumau te whainga. Ka whakātuhia e Taniwha Tales i ō rātou whakairo ki Te Ahurei Māra Putiputi o Aotearoa ā ko ētahi kei te papa matua o te whakāturanga māra.
Ko tā te kaiwhakahaere i Taniwha Tales a Grant Mathew Wilson ki a mātou, "I tapaina ko ngā 'Freedom Sleepers' ā kaore rātou i te hiahia kia noho kore kāinga engari nā runga i ngā mahi pōrearea ka tau rātou ki runga i ngā tiriti. Ka taea e rātou te noho ki reira mo ake tonu mēnā koia te hiahia nōreira ka huri te wā kātahi ka kite au i to rātou rata ki ngā mahi whakairo. Kei konei mātou ki tēnei whakāturanga he mea whakapiri tonu i ēnei hunga kaiwhakairo, ko te hanga āputa, tokoono o te hunga nō tēnei akomanga i whai tohu ki Unitec te katoa o rātou i mate i te Schizophrenia, te waipiro, te taru kino, engari ko tā rātou kia whai i tētahi huarahi tika pono hoki. Katahi ka timata he hononga ā he maha o mātou hononga inaianei ki te hunga kaore i tino aro mai ki ngā mahi whakairo, e whakautu i a mātou ki te hanga whakairo mā rātou.
I tōna tau tuarua Te Ahurei Māra Putiputi o Aotearoa ā ka tuwhera mā te marea hei āpōpō.