Neke atu i te 20 ōrau o ngā toromitanga katoa, he Māori. Hei huri i te tai, e mārama ana te ohu Haumaru Wai o Aotearoa, ko te mahitahi ki te Māori te matua. Hei tautoko i te kaupapa, nā te Kaporeihana Awhina Hunga Whara te kotahi miriona tara i tuku ki a Haumaru Wai, ki te whakatauira i te kaupapa hei ngā tau e rua.
Ko te whakamutu i te toromitanga o Ngāi Māori te tino whāinga a Haumaru Wai, nā te Kaporeihana i tohatoha te kotahi miriona tara kia kōkiri i tā rātou kaupapa e kīa nei, ko “Kia Maanu, Kia Ora”. Ma rātou tahi ko ngāi Māori hoki te iwi e whakarauora.
I kōrero mai a Pererika Makiha (Te Arawa), tētehi māngai nō Haumaru Wai, ka mea ake, “Ko te tino hiahia, kia pai ai ō tātou nei, tamariki, mokopuna, pakeke, kuia, koroua.”
I whiwhi pūtea i Te Taitimu Trust kia tīmata ai he kaupapa haumaru ki rō wai i tētehi kōhanga i Pā Harakeke. Nā tō rātou Tūmuaki, nā Zack Makoare te kī:
“Working with our very young ones, and their parents, so it’s about mobilising our whānau, to think around, the aspects of safety, around water, kia maanu, kia ora, which is stay afloat, stay alive.”
Ngāti Porou Surf Lifesaving Club Wānanga / Nā Peter Boyd i whakaae
Ko Ngāti Porou Surf Lifesaving te toa o ngā karapu kauhauora o te motu, ā ka whakamahi i tā rātou pūtea nā Haumaru Wai i tuku, hei whakangungu i ngā tūao hōu. Nā Peter Boyd, tētehi mātanga hauora nō taua rōpū te kōrero:
“First time we’ve had all the surf lifesaving clubs from the Tairāwhiti district, Waikanae, Wainui, Midway, they were part of it, Uawa’s also part of that rōpū coming to Wharekahika to run the workshop.”
Ka wāhia te kaupapa tauira nei ki ngā whiringa e rua i te tau kotahi. Mā te Kaporeihana ia e aromatawai ā te tau 2020.