Neke atu i te 300 ngā uri o Ngāi Tūhoe kua eke ki runga o Pāremata i te rā nei ki te whakarongo ki te pānuitanga tuarua, tuatoru hoki o te Pire Unu Hara i a Rua Kēnana.
I tae atu ngā whānau nō ngā moka o te motu ki te hui nui whakaharahara. He rā kua 100 rau tau neke atu a Te Iwi Iharaira me Ngā Uri o Maungapōhatu e whanga ana kia tutuki.
E ai ki a Nika Rua, māngai o Ngā Toenga o Ngā Tamariki a Iharaira me Ngā Uri o Maungapōhatu Charitable Trust, he rā ka noho pūmau ki ngā mahara.
“Kua roa tēnei āhuatanga e tārewahia ana. Kua neke atu i te tahi rau mā toru e tatari ana kia ūkui te riko o te toto, i maringi i Maungapōhatu,” te kī a Rua.
I tā rātou hekenga ki Pōneke, i waiatahia, i kōrerohia hoki ngā pānga o te urutomohanga ki Maungapōhatu i te tau 1916 ki te iwi. He wāhine i pāwherahia, ko ētahi i te poipoia hei rangatira i kōhurutia, ā ko tō rātou tipuna i mauheretia, i hāmenetia hoki mō tētahi hara kīhae ia i mahi.
“Ka tīkina atu tētahi titonga nā Mihikitekapua i tāna waiata ‘Te roa o te whenua’ i tīkina ai e ngā Iharaira tēnei waiata a Mihikitekapua hei whakaara i te wairua o ngā pēhitanga taumaha o ngā ture tinihanga a te karauna ki runga i te tinana, hinengaro, wairua, o te tipuna nei a te Rua me tana iwi Iharaira.
So, us being here is part of the vision that he had and is part of our aspirations to ensure we get justice for these wrongs.”
Ngā Toenga o ngā Iharaira me ngā Uri o Maungapōhatu Charitable Trust ka taurima i te Karauna hei te Rāhoroi 21 Hakihea 2019 ki Maungapōhatu Marae, hei reira tukua ai he whakaaetanga nō te Karauna ki te pire, he tuatahitanga i roto i te whakapapa o te ture.
He kōrero anō ka whai atu.
He pūrongo anō: