Ko te whānui o ngā ahi ngahere i Ahitereiria e matapaetia ana ka eke ki te rima miriona heketea, e ai ki ngā āpiha kōrero i te rā nei.
I tētahi hui pāpāho, nā te kaikōmihana Patu Ahi Tuawhenua, nā Shane Fitzsimmons te kōrero, e 4.9 miriona heketea kua wera i te ahi i tēnei wā.
“Given the activity we've got still, we can expect that number to grow. Unfortunately, I don't think it will be too long before we're up to five million hectares.”
I taumaha ake ngā kaipatu ahi o Ahitereiria i te rā nei i te whakaaro, ka tūpono mura ai he ahi tipua nunui i ngā ahi kakā e toru e mura ana pātata atu ki te weheruatanga o New South Wales i Wikitōria.
Ka poto noa te wā ki ngā kaipatu ahi ki te patu i te mura o te ahi i mua i te pikinga ake o te pāmahana hei te Rāpare.
“We can expect to see a combination of the hot conditions and westerly winds coming out of the centre of the state, resulting in probably severe fire danger ratings along the back end of the ranges and in parts of the central west," te kōrero a Fitzsimmons.
Ngā ahi e toru e kakā ana i te weheruatanga o New South Wales i Wikitōria.
Ko tōna rua tekau tāngata kua mate i ēnei ahi, ā e rua hoki ngā tāngata kaare anō kia kitea.
Hei tā ngā kōrero a te Pirimia o New South Wales, a Gladys Berejiklian, “In remote parts of the far south New South Wales, there are two people unaccounted for and we hope that ends in good news but at this stage we can’t account for their safety.”
Ko te whāinga matua i tēnei wiki, he whakarauora. E ai ki a Fitzsimmons i te rā nei, e 60 anō ngā kaiāwhina ka hono atu ki a rātou.
“That will ramp-up in the hundreds from the Commonwealth in the coming days and weeks, along with their machinery and other specialist equipment and gear.”
Hei tautoko hoki i ngā mahi patu ahi a Te Ope Kātua o Ahiterteiria, e toru ngā waka topa NH90 me ā rātou kaimahi ka tukuna e Te Tauā Rererangi o Aotearoa. Ko Ngāti Tūmataūenga hoki ka tuku i ngā ope tauā pūkaha e rua me tētahi tira ngārahu.
Ka tukua rātou i ngā rerenga maha i te rā nei atu ki te Rāapa.
E 22 hoki te nui o tētahi tira mahi patu ahi ka wehe atu i Aotearoa ki New South Wales hei te Rāapa, e 20 ō rātou, he kaipatu ahi, kotahi te kaiārahi, kotahi hoki te āpiha takawaenga. Ka 11 ngā rā rātou ki reira, ka hoki mai hei te 20 o Kohitātea.