Ko Te Kapa Puāwai nō Te Kura Kaupapa Māori o Hoani Waititi Marae ka hoki kiri reka atu i Te Tau Ihu o Te Waka a Māui ki Tāmaki Makaurau, ao ake i tā rātou ekenga panuku i te whakataetae o Te Mana Kuratahi 2023.
Kei te mōhiotia whānuitia te kura nei i ōna pūkenga nui i runga i te papa whakatū waewae, ā, kei runga anō e whata ana whai muri i ngā rā e whā e tuku ana ngā kura 45 i ō rātou kaha kia puta te ihu i te taiwhanga o Trafalgar i Whakatū i te wiki nei.
Nā te ekenga o Te Kapa Puāwai kua noho tahi ngā teina ki ngā tuakana o te kura i te uru o Tāmaki Makaurau. Ko Te Wharekura o Hoani Waititi Marae i eke ki te tūranga tuatahi o te whakataetae kura tuarua i te tau 2022.
I te pānuitanga o ngā kapa toa i te rā whakamutunga o te whakataetae, i whakapuakitia ko Te Kapa Haka o Te Pūwhāriki, nō Te Kura o Maungatapu i Tauranga Moana i tuarua mai. Ko Ngā Taiohi nō Te Kura o Te Teko i Te Moana a Toi, i eke tuatoru mai.
Hui katoa, e toru ngā wahanga o te tū i eke tuatahi mai ai Te Kapa Puāwai:
Mō te whakaeke, rātou tahi ko Te Pūwhāriki, ko Te Koutu, ko Te Whānau o Te Maro Hauhake (Tauranga Intermediate); Mō te waiata a ringa, rātou tahi ko Te Kura o Te Pāroa, ko Ngā Taiohi, ko Te Maro Hauhake, ā, ko te wāhang mō Te Reo Māori i riro motuhake i a Hoani Waititi.
I tuarua hoki Te Kapa Puāwai i te wāhanga o te Haka, rātou ko Ngā Taiohi, ko Te Maro Hauhake, Te Kura Kaupapa Māori o Ngāti Kahungunu ki Heretaunga).
Ko ngā tohu i tukua i tēnei rā:
AGGREGATE
WHAKAEKE
Tuatahi: Te Pūwhāriki, Te Kura o Te Koutu, Te Kapa Puāwai, Te Maro Hauhake
MŌTEATEA:
Tuatahi: Te Wharekura o Kirikiriroa Te Kura o Te Pāroa, Te Pūwhāriki, Ngā Taiohi, Te Kura o Te Koutu
POI:
Tuatoru: TKKM O Ngāti Kahungunu ki Heretaunga
Tuarua: Te Wharekura o Kirikiriroa, Te Kura o Te Koutu
Tuatahi: Ngā Taiohi
WAIATA Ā RINGA:
Tuatahi: Te Kura o Te Pāroa, Ngā Taiohi, Te Kapa Puāwai, Te Maro Hauhake
HAKA:
Tuatoru: Te Wharekura o Te Kaokaoroa o Pātetere, Te Wharekura o Te Rau Aroha
Tuarua: TKKM O Ngāti Kahungunu ki Heretaunga, Ngā Taiohi, Te Kapa Puāwai, Te Maro Hauhake
Tuatahi: Te Pūwhāriki
WHAKAWĀTEA:
Tuatahi: Te Pūwhāriki, Te Wharekura o Rākaumanga, Te Maro Hauhake
TE REO:
Tuatoru: Te Kura o Te Pāroa, Te Pūwhāriki
Tuarua: TKKM o Ruamatā, Te Wharekura o Te Rau Aroha
Tuatahi: Te Kapa Puāwai
NON-AGGREGATE
WAIATA TIRA:
Tuatoru - TKKM o Ngāti Kahungunu ki Heretaunga, Te Wharekura o Te Rau Aroha
Tuarua – Te Manu Kai Miro (TKKM ā rohe o Māngere), Te Whānau o Te Maro Hauhake (Tauranga Intermediate)
Tuatahi – Te Kapa Puāwai (TKKM o Hoani Waititi Marae)
KĀKAHU:
Tuatahi: Te Kapa Haka o Te Pūwhāriki, Te Wharekura o Te Kaokaoroa o Pātetere, TKKM o Ruamata, Te Kura o Te Koutu, TKM-ā-Rohe o Waiohau, Te Wharekura o Te Rau Aroha
MANUKURA WAHINE:
Tuatahi: Ngā Huiarau o Kawakawa (Kawakawa Primary School), Te Manu Kai Miro, Te Pūwhāriki, Te Wharekura o Te Kaokaoroa o Pātetere, Ngā Taiohi, Te Kura o Te Koutu, Te Maro Hauhake
MANUKURA TĀNE:
Tuatoru: Te Wharekura o Kirikiriroa, TKKM o Ngāti Kahungunu ki Heretaunga, Te Kapa Haka o Otepou, Te Pūwhāriki, Te Wharekura o Te Kaokaoroa o Pātetere, Te Wharekura o Ruatoki, Te Pā o Rākaihautu, Te Kapa Puāwai, Te Wharekura o Rākaumanga
Tuarua – Te Manu Kai Miro
Tuatahi – Ngā Taiohi
WHAIKŌRERO
Tuatahi: TKM o Ngā Tapuwae, Te Manu Kai Miro
KARANGA
Tuatahi: Te Kura o Te Pāroa, Ngā Taiohi, Te Kura o Te Koutu, Te Wharekura o Ruatoki
TITONGA HOU:
Tuatahi: Te Wharekura o Kirikiriroa, Te Pūwhāriki, Te Wharekura o Te Kaokaoroa o Pātetere, Te Kapa Puāwai
KURA TUATAHI TOA (TAU 0-6)
Te Pūwhāriki
