default-output-block.skip-main
National | Auckland

'Ahakoa ki whea, ahakoa te mahi, kei reira mātou' Te kī a Te Whānau o Waipareira.

Ko Te Whānau o Waipereira tērā e ū nei ki te āwhina i te hunga kua pāngia te kino e te waipuke o tērā Paraire.

Hai tā tētahi o ngā kaihautū o ngā ohu o Waipereira, tā Merekaraka Hawaikirangi, “i te wā i timata ai te waipuke i te tangihanga o tō mātou whaea a Titewhai Harawira, ā, i reira mātou kātahi ka kī a John Tamihere me haere mātou ki te hapori.”

E tere ana te urupare ki ngā waipuke o te wā e kī mai a Hawaikirangi, e tino ohorere pai nei te hapori o Tāmaki ki te uru, ki tērā āhuatanga.

“Ahakoa ki whea, ahakoa te mahi kei reira mātou.”

Hai tā Hawaikirangi anō e whakapono ana te tarahati nei ki te kōrero rā, kia hoake tātou ki te hoe.

“Ka āwhina te whānau ki te whakatika, whakapai i tō rātau whare, e hoatu ana ngā rauemi kia whai oranga mā rātou, te kai, te pūtea kia hoko paraikete, kākahu. Tātou katoa o Tāmaki, kāre ko Waipereira anake kei reira ki te kēti tātou.”

Ahakoa e noho puku tonu ana ngā whānau, e noho āwangawanga tonu ana, he ao anō kai tua o te pō, ā, hai tāna anō e harikoa ana rātau ki te āwhina.

“Ko te whakawhiti kōrero tētahi mea nui mō te whānau. Whakarongo ki a rātou ahakoa te aha, e kite ana mātou i te paru, ā, e pōuri ana mō te whānau. Engari e tino harikoa ana mātou ki te mahi.

“Ko tēnei tō mātou hapori, ko tēnei tō mātou whānau. Nā reira kāore e kore me mahi.”

Te Rito