Tāpiripiri i te aroha Hei Takoha mo te whānau, koinei te kōrero ake o tētahi pakihi Māori ki Whanganui.
E rongonui haere nei te pakihi o Hei Takoha mō te pai o ngā taonga hei hoko kia takoha atu.
He pakihi tēnei nā Anne Paranihi o Te Awa Tupua, Ngāti Tūwharetoa me Kāi Tahu.
“I tapaina te ingoa 'Hei Takoha' mo ōku tama a Nikora rāua ko Te Oka. He ingoa he whakahua i te manaakitanga o te koha atu,” hei tā Anne Paranihi.
“Kua rahi ake ngā ōta o ngā uri Māori, waihoki kua tautoko mai ngā kamupene Māori, ngā kura me ngā kōhanga reo i te pakihi,” hei tāna anō.
I te tīmatanga karekau he whāinga mo te pakihi, nā wai rā, ka hua mai ko ngā whāinga mā te wheako o Paranihi, ka toko ake te whakaaro kia kaua ia e noho whakatāuteute noa ana ki te kainga i a ia e hapu ana me te tiaki i tana tama tuatahi.
“Kaore au i te whakaaro whānui ake i te pakihi nei, ēngari kua whanake haere mai rā anō i te timatanga” hei tā Anne āno.
418 ngā kaitautāwhi ki runga i te paeahua, 27 ki runga i te pukamata e tautoko ana i tēnei pakihi nei.
