Minita Take Tahua, a Grant Robertson. Pūtake/Kōnae.
$12.1 piriona te paihere pūtea kua whakapuakitia e te Minita Take Tahua, e Grant Robertson hei awhi i ngā kaimahi, pakihi, mana hauora hoki ki te kaupare i ngā pānga o te COVID-19 ki Aotearoa.
Hei tā Minita Robertson, he wā mōrearea tuatahi rawa tēnei, ā koinei te wā ki te whakamahi i ngā pūtea hemihemi a te kāwanatanga:
“This is the rainy day that we have been planning for,” te kī a Robertson.
Pūtea āwhina i ngā utu ā haora, utu ā tau
Ko te kaituku mahi ka whakaatu i te rarunga o tana pakihi, e 30% heke iho ngā hua i o te tau ō mua, ka taea te tono atu mō te $150,000, ko te katoa ka utua. Ko te tino wehewehenga o te pūtea āwhina nei:
- $585 ki ia kaimahi tūturu
- $350 ki ia kaimahi tiriwā
He āwhina tēnei ka wātea mō te tekau mā rua wiki. Me ū ngā kaituku mahi ki te utu i a rātou kaimahi ki te 80% o ā rātou utu.
Hei tā Robertson, “These are however subsidy schemes. We cannot guarantee that this will mean all workers will be retained.”
COVID-19 utu āwhina i te wā noho taratahi
Kua whakapuakitia e te kāwanatanga he pūtea noho taratahi mā rātou kua pākia e te Coronavirus, mā rātou hoki e noho taratahi ana i te hokinga mai i tāwāhi.
Ko te hunga ka hoki mai ka taea te tono atu mō ngā rā 14 i noho taratahi ai.
Ko ngā tūroro mate COVID-19 ka taea te tono mō te katoa o te wā i māuiui ai.
He pūtea mā rātou anahe kaare e taea te mahi i ō rātou kāinga. E $585 ia wiki te utu.
Me whakaatu e te kaituku, ka taea e rātou tēnei pūtea, ko ngā tono meho ka whakatauria, he mahi hara tāware.
“This is about helping businesses to adjust,” te kōrero a te Minita.
Whakapakari ake i ngā tikanga hauora
Ko te $500 miriona ki ngā mana hauora, he pikinga pūtea tautoko i te Healthline, i te ICU, i ētahi kaupapa hauora kē atu anō hoki.
