81 ngā tau o te tauwhāinga netipāoro o Te Kurungaituku

Nuku atu i te rua rau ngā tīma netipōro kua whakarauika ki roto o Rotorua, mō te tauwhāinga nui o Te Kurungaituku kua waru tekau mā tahi tau e whakahaerehia ana.

Hei tā TJ McClutchie, “Ka whai wāhi mātou ngā kaiwawao kei Te Ika a Maui ki te titiro ki ngā panonitanga e rere ana ki roto i te netipōro ki Aotearoa mō mātou ngā kaiwawao, ā, he pai hoki te tūtaki ki ngā kaiwawao hōu.” 

I haere mai a Grace Barnett mai Te Matau a Māui i tae mai ia ki Rotorua i te pō rā, ko te whakapae koia te mema pakeke kei konei i tēnei rā.

Koinei ngā rangi whakatā mō ngā tīma whakangahau mō Western Suburbs Tumeke mai Ngāmotu koinei te tau tuaono kua tae mai rātou ki Rotorua.

Hei tā Moana Manu, “He pai, kia tūtaki ki ngā kōtiro hōu, ahakoa toa, hinga ko te mea nui kia menemene tātau.”

Hei ngā rangi whakatā o te wiki e tū mai nei ka haere tonu te tōnamana o Te Kurungaituku, ā, ka eke ki ngā tima whakataetae, ētahi ka puta mai Ahitereiria rāno.