E ohorere ana tētahi ratonga toko i te ora Māori i Ahitereiria i te tokomaha o ngā tāngata ka tae atu ki ōna tatau, ā, e mate āwhina ana.
He whenua whairawa a Ahitereiria ki te tini o Ngāi Māori i mua, engari i te tau rua mano ma tahi, na ngā panonitanga ā-ture, i ngaro ētahi mana o Ngāi Tātou i reira. E ai ki a Awhina Rakea o Te Kete Kahurangi, me kaha ake tā te kāwanatanga o Aotearoa tautoko atu.
“Ko tāku me āta tautoko ātou i a mātou e noho ana ki konei, he uri tonu mātou no Aōtearoa, kare i te tika kia huri tuara rātou ki ngā whānau kei konei e noho ana.”
Pērā i ētahi tini uri Māori kei te whenua moemoeā e noho ana, ka pōti a Awhina i ngā kōwhiringa o tēnei tau.
“E kaha rata atu ana au ki a Marama Davidson no te rōpū Kākāriki, kāre au i te paku aro atu ki a Nahinara, kua tiro atu au ki a MANA me te Pati Māori. a i hoki ano te titiro ki a MANA kihai au i te tino tautoko i tōna hononga ki te Internet Pāti, ko tōku tino hiahia kia tū tētahi māngai kaha ki rō Whare Paremata mo te katoa o ngā tāngata o Aōtearoa ahakoa kei hea rātou e noho ana."
