Aboriginal leader looks to Māori for inspiration

Taroi Black

Kua tae mai te kaiāki mana tangata whenua a Sam Cook ki Aotearoa nei, ki te tirotiro i nga kaupapa whare, me nga kaupapa hauora e whai painga ai te Maori. 

Ko ia te kaiwhakatū i a SOSBlack Australia, ā, kei Tāmaki Makaurau ia rāua ko te kaiārahi takirua o te Pāti Māori, ko Marama Fox, ki te whakamōhio ki te iwi, ngā taumahatanga kua tau ki ngā iwi taketake o Ahiteireria nō te katinga o ētahi o ngā hapori taratahi, me te tuku mihi hoki ki nga kaitautoko Māori.

I ēnei rangi whakatā e haere tonu ana ngā mahi whakahau puta noa i te āo mō te aukatitanga o ngā hapori kotahi rau rima tekau o ngā iwi taketake o te taha uru o Ahitereria.

Nō tēnei Rāmere i Piripane, i kati ngā huarahi ki te tini me te mano.  Engari i roto o Poipiripi, kotahi te wahine i mauheretia i roto i te porotēhi. Kāti ake, i tukua hoki te karere mō ngā aukatinga ki Tiamani.

“We have communities that have been shut down and bulldozed. What that means there is no plans at the back end of this closure and the people you just displaced,” says Ms Cook.

Tata ki te rua tekau mano ngā tāngata nō ngā hapori iwi taketake kua panaia ake i ō rātou kainga, ko te nuinga o rātou e noho kāinga kore ana.

Kei te arotakengia tēnei mahi e te kāwanatanga o Ahitereria natemea e piki tonu ana ngā nama mo te hunga kore kainga.