He karanga kua puta i ngā kaimahi mate wawara kia nui ake te tautoko a te kāwanatanga ki a ratou mahi na te pikinga o te hunga e kai ana i te taimiri P me te waipiro. Kotahi rau, rua tekau ngā kaimahi Māori mate wawara i hui ngātahi ki Rotorua ki te wānanga i tētahi huarahi whakamua.
Kei te whānui haere ngā raruraru ki runga i ngā kaimahi mate wawara, ā, kei te hiahia kia nui ake te tautoko.
Hei tā te kaitakawaenga o Te Tūāpapa Tarukino o Aotearoa a Gilbert Taurua, “We need to grow this sector so we can better reposed to those Māori that are in need particular with those that are suffering with issues around methamphetamine and phetamines but of course the addiction issues goes right across a whole range of other drug types as well.”
E orite ana te kōrero o nga kaimahi nei, ko te waipiro, ko te taimiri P ngā morearea nui mo te Māori engari he uaua te kaupare atu.
E ai ki tetahi kaimahi a Matatu Mihinui, “Ko te pūtea te mea nui, ruarua noa iho ngā kaimahi kei ngā hapori iti pērā i ngā taone iti nei, pērā i a Murupara, Kaikohe mā, engari kare he rawa mo mātou ngā kaimahi.”
Mo Taurua o Te Tūāpapa Tarukino o Aotearoa mā te Māori tonu e whakaora i ngā whānau Māori e pā kino nei engari me whai wāhi anō ngā iwi ki te waihanga tikanga patu tarukino.
“We know that throwing away the key for our Māori people putting them in prison doesn't resolve the issue. Iwi Māori need to take some ownership need to be having that kōrero and I guess change the political systems in place to make sure that we better able to reposed to those issues,” hei tā Taurua.
Atu i tēnei huinga, ka huri haere ngā kōrero i wānangahia ki te kimi oranga, hei tautoko i o rātou mahi. Āpōpō tū ai te hui ā motu mo tēnei kaupapa, Cutting Edge ki Rotorua.
