E arotahi ana te rangi tuawhā o te Whakataetae Waka Ama ā-motu ki Karāpiro ki ngā reihi takitahi. Ko ngā wāhanga katoa mai i ngā takawaenga atu ki ngā kaumātua e whitu tau neke atu te pakeke i hoea i ngā reihi kotahi rau mā rua.
Ahakoa he hoa tata a King rāua ko Anderson, he hoariri ki runga i te wai.
Ko Tupu King te toa o te wā i Aotearoa nei mō te wāhanga hoe takitahi. Nāna te taitara toa-ā-motu i kapo i tēra tau, ā, i oti tuatoru hoki ia i te ipu o te ao i Brazil i te Hereturikoka. Hei tāna kua rite pai ia mō tēnei wiki.
He kaihoe mōhio anō a Brad Anderson puta noa i te motu. I eke panuku ia ki ngā whakataetae ā-motu i te tau rua mano tekau mā toru, engari nō tērā tau ka riro ki a King.
Ahakoa ko King te kaihoe makau o te whakataetae, ehara i te mea ka hoatu noa e Anderson i te mētara kōura ki a ia.
I noho tahi a Anderson raua ko King i te ipu o te ao i Brazil, he wā e kore e warewaretia.
Hāunga rā tō rāua whakaaro nui ki a raua anō, kotahi noa te toa ka mau i te mētara kōura.
