Ākuanei ka tau mai te whakataetae NRL ki te tāone o Ahuriri

Ko te whakataetae NRL tētahi o ngā tauwhainga rīki taiea o te ao, ākuanei ka tau mai ki te tāone o Ahuriri.

Hei te Haratua o tērā tau ka tū ai te tukinga tuatahi, whai muri iho ko te tukinga tuarua. Engari, ko te hiahia matua, ka whakaritea he tukinga NRL ia tau mō ngā tau e toru e haere mai nei.

Ahakoa, tē tāea e mātou te whakamōhio atu ko wai ngā tira e whā i tēnei wā, ka tāea tonu e mātou te kī, ka tākaro ngā hau tipua o te kēmu ki te papa nei o McLean. Ka whakarahi ake ngā tūru kia eke atu i te rua tekau mano.

Otira, ka toro atu hoki ngā kaitākaro ki ngā hapori me ngā kura i a rātou e noho ana ki Ahuriri. E tumanako ana ka puta ngā rā o ngā tukinga takaro me te ingoa o ngā tira hei te paunga o tēnei marama.