Ki Puhipuhi i Te Taitokerau kua parea nga arai a te kamupene kowiri o Evolution ki te taha. He kaupapa hoki i oti i runga i te karanga a nga uri o Ngati Hau ki te rohe whanui kia tautoko mai i to ratou whakahee i nga mahi kowiri ia Papatuanuku.
Koinei ngā āhuatanga i hua ake ki Puhipuhi i te hikoi māro kia tae ā-tinana atu ki te wāhi kōwiri a te kamupene o Evolution Mining.
Hei tā Hami Tohu, Te Orewai / Ngapuhi, “Nā, e kite ana tātou i ngā pānui e whakaatu haere ana horekau a Taitokerau e whakaāe ana ki tēnei mahi, te kōwiri haere i te whenua, te rapu haere i ngā rawa hei painga mō wai rānei.”
Ko tā Jef Murupaenga - Ikin , Kanataa / Norway, “Ka tūtahi ai tātou whakapiri ai, kōrero ai, tūkaha ai ki te whawhai atu ki a rātou ngā kamupene ko rātou e hiahia ana ki te kōwiri, engari ki a mātou kei te hē tēnā.”
I reira a Te Uri o Hau i runga i te āwangawanga kei moumou ngā tekau tau e whakapau ana i te kaha me ngā rawa mō te oranga o Te Kaipara.
Hei tā Deborah Harding, Te Uri o Hau, “Is our investment going to be hindered by the impact of the mining action that would occur up here? By the sounds of it this morning, most definitely it will.”
Ko tā Ben Smith, Kaipāmu / Kaipūtaio, “The plan to take action is gonna come in as well as we've gotta gain that employment and that science back into the community, so that we can employ these young people in an industry that's sustainable.”
Ko tētahi o ngā whakaaro o tēnei whakaminenga tēnā pea mā te whakatutū puehu e ārai atu ai te iwi whakangao pūtea ki ngā mahi kōwiri i a Papatuanuku.
Ko tā Murupaenga-Ikin, “Ko tērā tō tātou māmā nērā? Ko te whenua te mea tuatahi ko te wai te mea tuatahi ko te wai te oranga nē rā.”
“Ehara ko tātou anahe te iwi Māori engari me ō tātou whānau ngā tauiwi nei e noho haere nei i ō tātou taha, nā ka kino ngā wai, koia tērā ko te mea e meingatia nei ina kore he wai ko mate tātou,” tā Tohu.
Taihoa ake nei e kite ra tatou he aha te utu o tenei mahi.
