Auckland claim opens men's touch title

Rahia Timutimu

Ā, pau ana te tekau mineti ka hua ake a Xavier Horan mo tana kapa Tāmaki Makaurau I whai hua anō a Tāmaki Makaurau kotahi meneti whai muri iho i a Joshua Mana. 

Kāre he kaiārai i te kokonga matau, nā ka hua ake ko te piro tuatahi a Tāmaki ki te Tonga.

He mahi tinihanga tā Wiremu Neho i raro tonu i ngā kaiārai o Tāmaki ki te Tonga.  Ahakoa i hoki mai a Tāmaki ki te Tonga me tēnei piro, i whakautu ake a Tāmaki Makaurau me tēnei piro, kia arahi ai i te wehenga rua, e whā ki te rua.

I te haurua tuarua, he piro atu piro mai te āhua o te tākaro, ā, puta ana te pakanga mō te taitara.

E rima meneti e toe ana, ā, e rua piro hei whai mā Tāmaki ki te Tonga kia ōrite ai ngā tatau. Ko te tuatahi i tutuki i a Cody Mahuika.

A, i te tangihanga o te pere i ōrite ngā tatau, e ono ki ia kapa, nāreira ka riro mā te tāpiri te whakatau.

Ko te kapa tuatahi ki te whai piro ka wikitōria, whai muri te mau a ngā kapa e rua i te pōro.  Ngāwari noa ana mā Tamaki Makaurau te whai i tā rātou piro.

Engari anō a Tamaki ki te Tonga, kia wikitōria ai a Tamaki Makaurau 7 - 6