Kei te tangata whenua anō te noho a te kapa rīki o Te Raki i te rāngai rīki Māori whai muri mai i te toahanga i te whakataetae Ngā Hau e Whā i Poihākena, Ahitereiria. Kei raro i ngā kaiako matua takirua hōu, he taumahi nui i mahuta ake. Ā, nā te noho tahi kē i raro i te whakaaro tahi i toa matatū ai.
Tērā hoki te pupuhi mai o ngā hau e whā. E kawea mai nei ngā tino kaitākaro riiki Māori o te wā
E ai ki te Kaiako Matua o Te Raki a Brad Clark, “Seeing all the whānau from all over the motu, and just happy to get away with the win.”
Ko ngā rutu nui, āe mārika, ko ngā rutu Māori tērā i mahuta ake i te taiwhanga o Saint Marys i Poihākena. Nō te tātāwhāinga o Ngā Hau e Whā te reo rāhiri i ngā kapa rīki Māori e noho kāinga rua nei ki Ahitereiria, kia tākaro Māori tonu mai nei i raro i te kaupapa Māori tonu.
Hei tā te Kāpene o Te Tai Hauāuru a Kurt Kara, “Yeah as I said, another successful day for footy, and for Māori culture, and good to hang out with these little young ones and all the whānau together.”
He pēnā anō rā ki te ingoa o te whakataetae. Kua tae mai ngā kapa Māori i ngā hau e whā o Ahitereiria. Horekau he wāhi i tua atu i tērā taha o Te Tāhimana e kitea ai te nanakia riiki Māori.
Hei tā Zach Dockar-Clay no te Te Raki, “It's a good day for Māori people and to be back down here with all the Māori's and run around and should be a good day and hopefully we go good in the finals.”
Ā, nā te taiea tonu o ngā kaitākaro NRL, taumata tuatahi anō hoki i rangatira ai te kapa o Te Raki. Ko te pouwaenga a AJ Taumata kei te ārahi anō i te kapa.
E ai ki a Troy Savage te Kaiako Matua o Te Raki, “We've had our players here for the last couple of years to join together to make a real good squad, and players are coming in and added to the ability of our team.”
Hei tōna mutunga iho ka toa whakaihuwaka anō ai a Te Raki i te whakataetae. Engari kē ia, he nui tonu anō ngā toa riiki Māori e whakaihuwaka nei i tēnei kaupapa.
Hei tā Azan Turoa o Te Tonga, “It's a good game good atmosphere, really great day and I'm really happy to be a part of it.”
Ā, ka tukuna atu ko te māuri whakahaere i te kaupapa mai i te uepū riiki Māori o New South Wales ki ngā mana o Queensland a tērā tau.
