BEAMSLEY

Kua whakairihia e te kaitiro tūpapaku a Wallace Bain i ana tirohanga mō David Charles Beamsley, kaimahi ngāhere kia rongo ia i ngā kōrero mai ngā kaimahi ngāhere tokowhitu i mahi ki roto i ngā ngāhere o Aotearoa i te tau rua mano, tekau mā rua, rua mano, tekau mā toru. 

I te rā nei ki te kōti o te kaitiro tūpapaku he māramatanga i puta mō te whānau Beamsley. 

Kua mahea ake ngā taumahatanga mō te whānau Beamsley mai te aitua i pā ki to rātou whānau, kotahi tau ki muri.

I puta te pūrongo mō David Charles Beamsley, tērā i mate i a ia e poro rākau ana i Kangaroa i te Rātu te rua tekau mā ono o Whiringa ā Rangi i tērā tau ki mua i a Kaitiro Tūpapaku Bain i Rotorua. 

He kaimahi a David Beamsley nā Balco Logging, tērā i kirimanatia e PF Olsen, ngā kaiwhakahaere o Kaingaroa.  I tae mai ngā rōpū katoa ki te whakarongo ki ngā whakamahukitanga mō te matenga o David Beamsley.

Heoi, karekau he kaitiro i kite i te matenga i tū ki te kōrero, te nuinga o ngā kōrero i taka mai ki ngā pūrongo mai te rōpū Work Safe New Zealand me PF Olsen.  Engari i mārama te titiro kia hiki te haumarutanga ki roto i ngā mahi ngahere o Aotearoa.

Tokowaru ngā pūrongo a ngā kaimahi ngāhere kei te tirohia e te kaitiro tūpapaku Bain tērā i mate ki waenga i te tau rua mano, tekau mā rua, tekau mā toru. 

Hei tērā wiki ko te pūrongo mo George Mahanga, kaimahi ngāhere ka puta ki tēnei kōti, heoi ano kua whakatārewa te kaitiro tūpapaku Bain i ana kitenga kia rongo ngā kōrero katoa mo ngā kaimahi tokowaru.

Āpōpō ka huraina te whanau o David Charles Beamsley ono tekau ma toru te pakeke ka mate nei i tōna hura kōhatu ki Waiohau, kotahi tau mai te rā o tōna matehanga.