Bennett’s offer to Te Puea limited to staff support

He taunakitanga anō kei te tukua e te kāwanatanga hei tautāwhi i Te Puea Marae me tāna whakaruruhau i te hunga kore kāinga. Koia te whakapuakitanga i tētahi hui muna ki waenga i te Minita Take Whakahiato Ora, a Paula Bennett me te māngai o te marae, a Hurimoana Dennis, i haria kētia ki tētahi whare kai i te puku o Tāmaki.

Kātahi anō, ka whai tautoko anō te ahi kā o Te Puea i te kawanatanga, mō te āwhina i ngā whānau kainga kore.

Het tā Hurimoana Dennis te māngai o Te Puea Marae, “Ngā rauemi, ngā tangata matatau ko tēnei mahi, he pūnaha pea ki tōna tari, he whakawātea ngā āhuatanga pūnaha pākeha.  He pai ake tēnā, koinei te tautoko i tēnei wā, engari ko te mea nui kē, ki te haere tonu te kōrero.”

Ko tōna tikanga, ka hui ngātahi a Hurimoana Dennis rāua ko Paula Bennett ki te whare kawhe o Rua tekau mā Toru i Maungawhau i te ata nei, engari, i hui kē rāua ki whare rerekē atu, nā te inoi a te minita.

Hei tā Dennis, “Ko tōna whakaaro, ko te media circus rā.  Ko te kaupapa ki a ia, kāre pīrangi he kōrero mō tēnei kaupapa tino tapu i te wā, kua hara mai te pāpāho, hei pikitia, koina tōna whakaaro.”

Nō te whakapuarenga mai o ngā tatau o te marae i te toru wiki ki mua, e rua tekau mā whitu ngā whānau kua whiwhi nohonga pai ake.  Engari, kāore tonu te minita i te tautoko ā putea.

“Ehara he putea i tēnei wā.  Ki au nei, ki a mātou, ko te mea nui kē, ngā social workers, whakawātea ngā pūnaha, ngā bureaucracy, ko tēnā te tino raru mō ētahi,” hei tā Dennis.

Ka tū tonu te marae o Te Puea hei kanohi ki te āwhina i ngā whānau e pōkaikaha ana, mo te roanga ake o te toru marama I te wā hōtoke nei. Kua kī taurangi i a Paula Bennett hei tera wiki ka tuku atu ngā kaimahi hou mai i te tari Te Hiranga Tangata Te Whare Pāpori, Āwhina i Ngā Whānau, Rangatahi me ngā tamariki me ngērā atu e hāngai ana.