Better utilisation of Te Ture Whenua - Budget 2015

E tata ana ki te kotahi me te hawhe miriona heketea nga whenua Māori puta noa kei te aronga o tēnei kawanatanga.

Hei tā Te Iwipuihi Tipene, “Mena tatou e pohehe ana ka haere mai tātou me o tatou puna moni ki te ruirui I enei moni I runga I o tatou whenua ka puta ai ka puawai nga hua, e kore.  Kia hono ra ano tatou ki o tatou whenua ka puawai enei kaupapa e wharikihia nei.”

Ki roto I tana tahua, kua whakapuakihia e te kawanatanga he putea tekau ma rua ira kati waru miriona taara hei whakatika I ngā ahuatanga kua roa e arai ana I te whakamahinga o te whenua.

Mai i Te Taitokerau ki Te Waiariki tae atu ki Te Tairawhiti whitu atu ki Manawatu me Whanganui, ko enei nga rohe e puritia tonutia ana I te nuinga o ngā whenua Māori me te whainga nui a tēnei kawanatanga kia whakawateahia ki te whakamahi kia puta ngā hua.

Heoi ano ra he putea tēnei hei kinaki I ngā whakahoutanga ki te ture whenua Māori. Hei tēnei wiki tonu tau atu ai ki te aroaro o te kahui o ngā minita.

Hei tana, Te Iwipuihi Tipene, “Kia pai nei to rātou hoki mai kit e wa kainga tiro ai he aha ngā hua ka puta tera pea he wahi mahinga tera pea he poaka kotahi engari he timatanga tera.  Kaua e mea kia rua mano ra ano nga poaka ka ea no aata timata.”