Bodene Thompson debuts in clash against Knights

Ka whai wāhi tuatahi te uri o Ngāi Te Rangi a Bodene Thompson mō tana karapu hou hei ēnei rangi whakatā i tā rātou tukinga tuatahi o te tau tākaro NRL ki te kapa Knights ki te taiwhanga o Hunter hei te Rāhoroi nei.

He tuatahitanga hoki tēnei mō te tautohito a Ryan Hoffman rāua ko te mahuri totara a Solomone Kata e eke tuatahi ana ki te kapa Warriors.

E noho tonu ana tōna whānau ki Gold Coast, nā reira ka hāere ētahi o rātou ki tana tukinga tuatahi ki Newcastle kia kitea ia e mau ana ite poraka Warriors.

Ka tākaro ngatahi a Bodene rāua ko Ryan Hoffman ki te rarangi tuarua mō ngā poumua, ā, ka mau i te kapene a Simon Mannering te poraka tekau mā toru.

Hei ta Bodene, ahakoa i pai tā rātou whakaharatau tōmua he taumata anō ka rongoa hei ēnei rangi okioki.

E whakapono ana a Bodene i tino eke tana tākaro i tērā tau i te kapa Tigers me tana whāinga kia kounga ake anō mō te kapa Warriors.