Ko te kapo kanohi te whai i te putanga atu ki te papa o te riri, arā ki te papa mekemeke.
E ai ki te kaimekemeke nei, ko te hinganga o tana hoariri wheako nui i a ia te ara e huakina ai te tatau ki ngā tautōhito o te hākinakina nei.
Kāre i ārikarika ngā hoa whakangungu. I ngā whakariterite ki tana whawhai, kua karangahia e George a Luke Jumeau, he kaiwhawhai UFC me Matt Vaile.
Puta tuatahi ai a George i te tau rua mano tekau mā rua ki a Saili Tofilau. Ā, tekau mā rima ngā whawhai kua toa a ia, kotahi anake kua hinga. Heoi anō, e ai ki te toki mekemeke ehara i te huarahi māmā.
Kai te ngākau reka a George ki te whawhai ki te kāenga, heoi, e arotahi ana a ia i tēnei wā ki te pakanga e kainamu mai nei, arā, hai te 29 o Hepetema ki Singapore.
