Canada: Māori consulting firm assists first nations

Kei te mahi tahi a Patrick Hape me Kahui Tautoko Consulting Ltd ki te arotake i nga kaupapa hauora mo te iwi taketake o Kanata.  I mahi tahi te ropu nei, te iwi taketake ra me te kawanatanga ki te whakaara he huarahi e ora ai ratou mo nga ra kei te heke mai. 

Ko te korenga o te Kāwana ki te whakamana i ngā tiriti o te whenua rā he raru nui kua kitea e Hape me tana rōpū, he kaupapa hoki kua hiahia rātou ki te whakatika i a rātou e whakatewhatewha ana i ngā kaupapa hauora o te iwi taketake o Kanata, 

Atu i ngā hua mo ngā iwi taketake o Kānata, he tauira hai whāinga mā te Māori kua kitea hoki e te rōpū nei i a rātou whakatewhanga

Hei tā Hape, “Ko etahi o nga hua ka tino kite i nga ahuatanga o nga iwi o reira engari ka tino ako he aha nga momo mahi i roto i nga kawana o reira, he aha nga rereketanga he aha nga oritenga ki nga mahi o tenei kawana, he aha etahi atu huarahi kia piki ake te taumata o nga mahi o nga iwi taketake i te otinga atu ko te tino whainga o a matou mahi kia piki te taumata o nga mahi o nga kaupapa e arahi nei i nga iwi taketake o reira.”

Nō te timatanga o te whakatewhanga nei i rongo i te uaua engari ko tētahi tino kitenga a Hape me tana rōpū i roto i ēnei mahi ko te ako i ngā ritenga a te iwi Māori me te iwi taketake o Kānata

E ai ki a Hape, “He nui nga hua kai roto i te noho tahi me etahi atu iwi taketake ka tino, he pai i te mea ka ako koe i wa ratou tikanga, ka kite i etahi ahuatanga o ta ratou noho i taratou ake whenua.  Ko nga iwi o Kanata ka tino whai hononga ki nga maunga ki nga awa pera i te iwi Maori na reira he rawe te whakarongo atu ki nga korero purakau o tera whenua, he rawe te mataki i wa ratou momo haka, i wa ratou momo waiata.”

He huarahi e parahia tonutia ana e Hape, ko tana hiahia kia mahi tahi me ngā iwi taketake huri noa i te ao kia whai oranga hoki rātou.

Hei tā Hape, “Ko taku kia haere ki wahi ke atu ki te kimi rongoa hai whakato pea ki roto i nga iwi o konei me pehea nei te anga whakamua.”

Ka hoki atu a Hape ki Kānata ki te tuku atu i ngā ketuketunga o te ripoata ki te Kāwana ā te Oketopa ki te taha o tana rōpū a Kahui Consulting Ltd.