Canada's commitment to indigenous people an example for NZ

Me whai a Ahiteireiria me Aotearoa i te kāwanatanga o Kānata, e aro nui nei ki ngā mana o ōna iwi tangata whenua. E waru ira whā piriona tāra kei te tuarihia e te Pirimia o Kānata, e Justin Trudeau i roto ngā tau e rima e haere ake nei, hei whakatika i ngā mate e poke nei i ngā iwi taketake. 

E ai ki te mema mō Reipa a Peeni Henare me whai atu a Aotearoa i te tauira a Kanata ki roto i tēnei rīpoata e ki ana, kei te kaingākau nui a Kanata ki ngā tika a o rātou iwi taketake.

“Ki te whakarite tuturu i te mana o te taraipiunara o waitangi e kiia nei ko ta kanata ko te truth and reconciliiation committee.”

I te tau rua mano mā waru ka whakaturia te kōmiti a Truth me Reconciliation hei arahi, hei kimi hoki i te huarahi tika kia piritahi ai ngā whānau o ngā iwi taketake me ngāi tauiwi. 

Hei tā Henare, “Ko ta matou e ahua orite nei ko te taraipiunara o waitangi engari ko te pai o nga mahi a kanata e hoa e mana ana te kawanatanga i nga korero kei roto i te ripoata.”

Ā nonā tata nei ka tohaina e te pirimia a Justin Trudeau te waru ira whā piriona tāra ki ngā iwi taketake ki roto i te pūtea ā tau rua mano tekau ma ono.

“No relationship is more important to me and to Canada than the one with first nations,” hei tā te Pirimia o Kanata Canada a Justin Trudeau.

“He tauira tenei tu te whenua o kanata me whai atu koina taku atu ki nga whenua katoa o te ao,” hei tā Henare.

E ai ki te tōputanga o nga iwi taketake he mahi whai tikanga tā te kāwanatanga o Kanata hei whakapakari ake i te oranga o ngā iwi taketake kia noho ōrite ai rātou me ngāi tauiwi.