E ai ki te minita whakahiato ora ki a Anne Tolley, ehara i te mea e hē katoa ana ā rātau rautaki. Ēngari kei te whakaāe ia, he mahi nui kei mua i te aroaro, ki te whakatikatika i ngā raruraru mō ngā tamariki, e ora ana i raro i te hāhoretanga. Kei a Heta Gardiner tēnei pūrongo.
He whakaputanga i kaha haukerekere i te kāwana. Ēngari, e ai ki te Minita Whakahiato Ora, a Anne Tolleyly, he oranga anō kei tua, “He rautaki hōu nui kei te whakaritea. He hiahia nō mātau ki huripoki i ngā whakaritenga o Te Uehä Mätätahi o Aotearoa, kia eke ngā hua mō rātau.”
Mō te roanga o tēnei rā kua kaupare ngā minita kāwanatanga, i ngā whakawhiu o te ripoata. Kei te pū o ēnei whakawhiu, ko te whakaputanga, kāore he paku hūnuku whakamua kua kitea, ki te taha o ngā tamariki e noho pōkaikaha ana i roto i te pōharatanga. me te kore āhei ki te kimi i ngā tatauranga mō taua hunga.
Hei tā Tolley, “He uaua tēnei āhuatanga.ko ngā whenua katoa o te au, kei te tauaha te whai ngā tohu, i ngā whika tika.”
Ko tā te Pāti Kākāriki, he āwangawanga nui ēnei whakaputanga.
E ai ki te rangatira tuarua o te Pāti Kakariki, a Metira Tūrei, “He āwangawanga nōku, te kite, ko te mahi o ngā rōpū o te kāwanatanga, he whakanikoniko i ngā whainga, kia tāea e rātau te kaupare tonu o ngā raru mō ngā tamariki e noho ana i raro i te pōkaikaha o te pōharatanga. He āwangawanga nui i toko ake, i te koretake o ngā whakamāramatanga, me te koretake o te kohikohi korero.”
Ēngari ko tā te minita, e kore te ao e puawai mai, i te rā kotahi.
“Ehara tēnei I te kaupapa, ka tāea te whakaora wawe noa.” hei tā Tolley.
Kei te rangahaua tonutia te ripoata matua, o Te Uehā Mātātahi o Aotearoa.
