Comeback of the century for Hikurangi Pariha

E karangahia ana ko te hokinga mai o te rautau mō te kapa haka o Hikurangi Pariha i whakaeke i te atamira o Karaitiana Tamararo inanahi mō te wā tuatahi i te nui atu i te rima tekau tau. He miharo katoa te tū a te kapa, nā whai anō i amine ngā kaiwhiriwhiri kia haere ai rātou hei kanohi mō Te Tai Rawhiti ki Te Matatini a tērā tau.

He ihi, he wehi, kāore anō kia rongo i roto i ngā tau rima tekau neke atu, he tuatahitanga hoki ki ētahi o ngā kaihaka nei.

Hei tā Ang Tibble - Hikurangi Pariha, “E ai ki ō mātou pakeke kua roa mātou e ngaro ana i tēnei o ngā whakataetae Tamararo nō te tau ono tekau mā rima koina te tau whakamutunga i tū ai mātou i runga i te atamira nō reira ae ka nui o mātou whakahīhī i runga i te whakaiti.”

He whakaaturanga e whakatinanahia ana ngā wawatā o te kaitito waiata nei a Kuini Moehau Reedy.

Ko tā Reedy - Ngāti Porou, “Nā mātou katoa, ehara i te mea ko au anake ko au e pupuri ana te pene engari nā te kōtahitanga o te whākaaro ka puawai wēnei waiata.”

Nā te upoko pakaru i ngā wiki maha ko te otinga ake ko te rā hītori nui ko tēnei.

Tā Selwyn Parata - Hikuranga Pariha, “I tono mai a mātou tamariki kia whakaora i te Pariha tuatahi mō ngā kōrero e pā ana ki o mātou hapū o Te Aitanga a Mate, Te Whānau o Te Rakairoa Te Aowera otira Ngāti Porou.”

Ūmere katoa ana rātou i te wā i tau mai ngā kōrero kua tuatoru rātou, nā, me whakarite ka tika mō Te Matatini.