He kotahi rau ngā whānau me ngā tāngata ka whiwhi putea awhina i te Kāwanatanga ki te hūnuku atu ki waho o Tāmaki Makaurau, ki rohe kē atu. Ko tā Paula Bennet, Minita Take Whare Pāpori, kei runga noa atu tēnei ahuatanga, ēngari kei te tautokohia rānei tēnei whakaaro e te hunga noho ki ngā hapori tuawhenua?
Kua pūruatia te hunga kore mahi, ko Te Taitokerau hoki te wāhi tino rawa kore i te motu, nā, he aha te whakaaro o te hapori ki te Tai Tokerau mō te utu i ngā tāngata kia hūnuku atu i Tāmaki ki ngā rohe.
Hei tā tētahi kainoho a Dolly Baker, "The Government moving them on is sort of sweeping them under the carpet really, you know if they're not seen or heard there's no problem."
Ko tā Paula Bennett, Minita Whare Pāpori, he kotahi rau ngā whānau, tāngata hoki kua whiwhi i te rima mano tāra kia rere atu, ā, kaore he whakaritenga kia whakahoki i te pūtea mena ka noho roherohe mō te kotahi tau. Ēngari ko tā Phil Twyford he katakata noa iho te utu i te tangata , ā, tē aro ki ngā raruraru ā whare.
"It's not always about money, it's a lot of the time about their personal whanau take that's happening. But you start with communication and you work from there and if we can identify what it is actually happening for them then we could probably target some really good programmes and resources to help whānau."
Ko tā Te Manatū Whakahiato Ora, he whakahau mā te hunga kua hūnuku mai i Tamaki ki nga moka katoa o te motu, ēngari ko nga rohe e tino rata ana, ko Kirikiriroa, Whangarei me Ōtautahi.
Hei tā Te Hiwi Preston, "I think there is already a stretch on the social services throughout Northland as it is but I guess with the added pressure what it will do is it will see more of our whanau who work in regional roles accross the rohe finding themselves more thinned-out than they already are."
Ko tā Te Manatū Whakahiato Ora ahakoa he rarangi ingoa kimi whare e tatari ana ki ēnei rohe e toru, he rite te hiahia o nga whānau hūnuku ki nga momo whare e wātea ana, ā, kaore rātou i tere te whai whare i nga whānau e tatari whare tonu ana ki ēra rohe.