He rā ā-motu hei whakamaumahara i ngā pakanga whenua Māori ka tū hei te rua tekau mā waru o Whiringa a Nuku. He rangi whai tikanga tonu i te mea i waitohua anō te Whakaputanga o te Rangatiratanga o Nu Tireni i tēnei rā, i te tau tahi mano waru rau toru tekau mā rima.
I takoto ake te tono ki te kāwanatanga kia tū he rā whakanui i tērā tau, i te haringa o tētahi petihana ki te aroaro o te whare pāremata i tērā tau.
Ā, nō te hui koroneihana i te marama o Hereturikoka ka kī ake te Pirimia Tuarua a Bill English, ka tautokotia he rā e rātou.
Hei tā Rāhui Papa, māngai kīngitanga, ko te whakaaro kia tū te hui whakanui tuatahi ki Te Taitokerau hei te tau e tū mai nei, ā, ka huri ki whenua pakanga kē whakanui ai hei te tau o muri atu, ā, ka pērā, tau mai, tau atu.
