E ahu atu ana te kapa Kiwi Ferns ki Ingarangi

Nō te kapa Kiwi Ferns te waimarie kua toro pūmau mai te Karapu Warriors ki te manaaki i te kapa ā-pūtea nei, he kaupapa i whakaarotia e te Rangatira o te Karapu Warriors e tā Owen Glenn, mā rātou te kapa nei e tautoko.

Nā te nui o ngā whenua kīhai i whai pūtea tautoko, ka whā noa iho ngā kapa i te whakataetae nei, ko Aotearoa rātou ko Ahitereira, Ko Wiwī, ko te haukāinga ko Ingarangi hoki.  Ko Wiwī te hoariri tuatahi mā Aotearoa hei tēnei Rāmere.   

Ka rere tōtika atu te kāpene a Honey Hireme ki Manchester i Moscow, i reira kē ia e tākaro ana mā te kapa Ōpango taki Whitu Wāhine o Aotearoa   

Ā tāpiri atu, ko te kōrero kua tau mai ki ōku taringa, ki te eke panuku te kapa Kiwi Ferns, ka whakanuia rātou e Tā  Owen Glen, ka whakatūria e ia he pō ngahau mō te kapa ki runga i tana waka pere rua.