Ko te pahupahu mō te ai i ngā kohine maha mā runga ipurangi ngā mahi a te rōpū Roast Busters.
A, i te pakarutanga mai o kōrero mō te rōpu i te mutunga mai o tērā tau, ko tā te ope pirihimana, e kore e taea e rātou te rangahau ngā whakapae onioni tā te mea kihai tētahi i puta ki te tuku amuamu.
Hoino, ka puta ngā kōrero arā tētahi kōhine i puta ki te amuamu i te tau rua mano tekau mā tahi, engari horekau he aha i puta.
Hei ta te ripoata ehara i te mea nā tetahi apiha tonu te hē, ā, he hapa ā rōpu i roto i ngā whakawhitinga kōrero kē te mutunga ake. Hei ta te māngai pirihimana mo Reipa, he whakatūpatotanga tēnei mō te Minita Pirihimana, a Anne Tolley.
E kore e puta te wāhanga tuatahi o te ripoata a te Rōpū Motuhake e titiro atu ana ki te ahua o te whakahaere i te rangahau a te Ope Pirihimana mō te kēhi Roast Busters a te whakakapinga ake o tera rangahau tonu.
