E akiaki ana a Tainui-Waikato i ngā whānau kia uru ki ngā mahi eke ngaru

Kua tīmata te tauwhainga hākinakina o Waikato Tainui i ngā rā okioki nei, i te whakataetae ekengaru i Whaingaroa.  

Koianei te wā tuatoru e tū ana te kaupapa nei. Ko te aronga mō tēnei tau, kia tautoko ai, kia uru ai ngā marae me ngā uri whakaheke ki tēnei tūmomo mahi ki runga i a Tangaroa.

Kia kaha tātou ki te eke ngaru! Koira te karanga nā te kaiwhakahaere mo te kaupapa nei, he kaiwhakaeke ngaru hoki.

Ā, he tokomaha ngā tauhou, whēnei i te kōhine a Te Huia, nō Te Kotahitanga Marae ki Tuakau.

Ko te whanaungatang a i waenga i ngā marae, te Kotahitanga, ko te whakanui me te tūhonohono i te iwi ki a Tangaroā ngā kaupapa nui.

Ko atu i te waru tekau ngā kaieke ngaru mai i ngā marae tekau mā tahi kua uru atu i tēnei tau, ko te mea tokomaha ake, ā, ahatia he whakataetae nei, mō te nuinga, he wā harikoa ki runga i a tangaroa, hei whānau kotahi, hei marae kotahi, hei iwi kotahi.

Ā, i ngā tau e ono kua hori, kua tokomaha ake ngā kaieke ngaru.

Ahatia ko wai ka eke ki te taumata ki runga i ngēnei ngaru, ko te iwi tonu ka toa.