I tēnei wa whakangā i te kura, i taki huihui ngā uri whakaheke o Ngāti Wai, kia whāngaia ai rātou ki to rātou Ngati Wai-tanga. He wawata nui no ngā mātua, kua poipoia ngā uri nei ki tō te iwi reo, ki ā te iwi tikanga, kia tu rangatira ai a ngā ra kei tua.
He tino huringa no ngā matua, kahore i tu atu i Te Whana o te Nanakia hei wahi poipoi i ngā rangatira o apopo.
He wa tēnei kia purea ngā uri e ngā hau o te kainga, kia rongo hoki rātou i ngā tahuhu korero.
Ko te tuarua tēnei o ngā wananga reo i ngā wā hararei o ngā kura kia hui mai ngā uri maha no ngā hapu karangatanga i roto o Ngati Wai nui tonu kia piri ai kia kotahi ai.
Kei te tangi tonu a Tūkaiaia ki ngā uri kia hui mai ki te wananga i ngā wa hararei.
