E anga whakamua ana te taiopenga o Ngāti Awa

He rā whakahirahira mō te iwi o Ngāti Awa i te whakarewatanga o tā rātou hui taurima tuatahi, e rua rā te roa.

He hui taurima tēnei kua whakaritea mō te tekau marama, he whakataetae kapa haka te tino taonga kua takohatia hei whakanui I te Ngāti Awatanga.

Heoi i ngā uri whakaheke e whakanui nei i tō rātou ‘Ngāti Awatanga’, tērā anō ngā manako a te iwi kia whai hua ake i tō rātou mana whenua, kia pai ai te koke whakamua.

Ko tētahi o ngā kaupapa ka whakapuakitia ki te hui taurima Ko Ngāti Awa Te Toki, ko te hiahia o Whakatāne Marina Society te whakatu i tētahi tauranga waka, papa kāinga mō te hunga whai whare me tētahi papa kāinga mō te hunga kaumātua.

Engari koinei te urupā tawhito o rātou ma e kiia ana ko Opihi Whanaunga Kore.

Hei āpōpō tu ai ngā whakataetae matua, tekau mā rima ngā hapū o Ngāti Awa ka wāhi ki te atamira o tātāwhāinga.