He mūrau a te tini, he wenerau a te mano, engari ē hia o tātou kua kite ā-kanohi, ā-tinana hoki i te Tiriti o Waitangi?
Ko te tīra me te karaehe te ārai rauhī i te tuhinga whakahirahira o tēnei whenua ki Te Rua Mahara o Te Kāwanatanga i Te Whanganui-a-Tara.
E haramai ana rātou ka tika. E whakapaetia ana he toru rau rima tekau ngā tāngata nō ngā hau e whā ka kuhu i ēnei kuaha āpōpō.
Heoi nā te tokomaha o ngā tāngata e tirotiro ana i ngā tuhinga nei, e ai ki te māngai o Te Rua Māhara, he pākaha ngā tikanga mō te rauhītanga o te Tiriti.
Hei te tekau karaka āpōpō huakina ai ngā tātau o te whare nei ki te hapori whānui kia haramai ki te kite i te tiriti, ā, ko te wawata nui kia whai mōhiotanga ai rātou.
