E hīkaka ana te aro a te kapa Ōpango ki te whakataetae whutupaoro takiwhitu

E hīkaka ana te aro o te kapa Ōpango takiwhitu ki te whakataetae whutupaoro takiwhitu ki Pōneke hei ngā rangi e rua e tū mai nei.

Heoi kei te mōhio hoki te kapa, he tātāwhainga whakahirahira tēnei ki te whakangungu i tō rātou taitara, i a rātou e noho tuatoru ana i ngā huringa o tēnei whakataetae i tēnei wā.

He kawenga taumaha te tākaro ki te kāinga engari he mea whakatenatena hoki i te kapa.

Ahakoa a Joe Webber e noho ana ki te kapa takiwhitu mai i te tau rua mano tekau mā tahi, he tuatahitanga tēnei māna kia tākaro ki te whakataetae takiwhitu ki Pōneke.

Kāhore te tautōhito a Tim Mikkelson e tākaro ana. Kua whara tana tapatapa nā reira kua uru mai a Murphy Taramai nō Te Whanganui a Tara hei kairīwhi mōna.

Heoi me eke te kounga o te kapa ki runga i te whīra hei ēnei rangi okioki, kei te tūnga tuatoru noa rātou e noho ana i muri mai i a Whītī me Awhika ki te Tonga.

Ahakoa e koke whakamua ana ki ngā mahi nui o te wiki, i whai wāhi a Joe rāua ko Gillies ki te uiui atu i a rāua tahi, he oranga pea ki te ao pāpāho hei muri i ngā mahi whutupōro.