I ngā tau tekau kua hipa, kua huakina e Flo Karaitiana ōna kuaha ki ngā whānau kāore i whai whakaaea mō tētahi whare kaporeihana, kāore hoki he waahi noho. Ki tāna he mea pouri rawa, engari kua kitea noatia tēnei tuāhuatanga i ēnei wā.
Koira te pātai kei ngā ngutu o te marea. Whai muri i aromatawai rū whenua a te Whare Kaporeihana, e hia nei ngā kainga e noho kau ana, i hokona atu rānei. Kei te whakarite a Karaitiana tētahi porotēhi, ko te tumanako, ka aro mai te kawanatanga.
Kua whā tekau ngā tau a Sidney Haenga e noho ana ki Pā Harakeke, i kite ia i ngā panonitanga o te wā, ki tāna, nā te torutoru o ngā whare kaporeihana i noho ai ngā whānau tokomaha ki roto i te whare kotahi.
Ahakoa ki tā te whare kaporeihana, kāore tēnei i te ahuatanga pai ki a rātou, akuanei ka puta he whakatau kia mōhio ai, ka aha aua whare. Engari i te wā tonu nei, kei te kimi kainga tonu ngā whānau.
