Nō nā tata nei i puta te kōrero i ngā Breakers ka hoki mai a Tai Wesley, arā kua hoki mai anō tētahi atu. Ka hoki mai a Corey Webster ki te karapu whai muri i tētahi tau tākaro i Iharaira me Haina.
Hei tā Kevin Braswell, kaiako o ngā Breakers, ko Webster tētahi i te kaha aru e ia nā runga i te mea he kaitakaro mo ngā Tāroaroa Pango ki te taha o te nuinga o te kapa.
I tipu ake a Webster ki roto i te karapu Breakers, na whai anō e hīkaka ana ia.
I wehe a Webster i te karapu i te tau 2017 whai muri atu i ētahi hara ōna, ara te patu i tētahi tokorua, hēoi kāore i hāmenehia e te kōti. Hēoi, hei tā Webster anō, nōnā i tāwāhi kua tipu anō ia, kua kite anō i te ao marama.
E whakaae hoki ana a Braswell, me tōna whakapae ka taka te katoa ki te hē i ētahi wā, hēoi kua whakapahā a Webster. Ā, e whakamiha ana a Braswell ki a Webster mō ana mahi i te kapa Wellington Saints i tērā tau. Hei tā Braswell, nā Webster ngā Saints i kore i hinga i te whakataetae NZNBL.
Ko te manako nui, kia pērā hoki hei tērā tau mō ngā Breakers i te whakataetae ANBL.
