Kei te hūnuku whakatetonga te huarere kino i kaha tātā i Te Tairāwhiti me Te Matau-a-Māui, ki Wairarapa tae rawa atu ki Te Whanganui-a-Tara.
Hei tā Te Rākau Whakamarumaru o Te Matau a Māui, e rere māori ana te nuinga o ngā awa i te rohe, hāunga te awa o Tukituki, ā, kua heke iho ngā taumata wai.
E whakahaua ana te tangata kia kaua e whakatata atu ki ngā awa e rere tere tonu ana.
E ai ki a Metservice, i te hekenga haere o te marangai, ko ngā rohe ka tino karawhiua e te ua tāngutungutu, ko Te Puku o Te Ika, ngā hiwi maunga ki Kaikōura me Waitaha.
