E kaha whai ana tētahi tama o Ngāpuhi i tana moemoeā kia tākaro i te whakataetae NBA

E tutuki haere ana i a Garrick Knight nō Ngāpuhi tana moemoeā kia tākaro i te whakataetae NBA.

Kua whai wāhi ia ki te Whare Wānanga o Impact Basketball ki Las Vegas ki te whakapakari i ana pūkenga i runga i te manako ka whakawhiwhia he karahipi ki tētahi kāreti o Amerika. E rua tekau mano tāra tana kua kohi i a ia kia haere ki te wānanga rā.

Nā tana ūpoko pakaru kua puta mai ngā hua, me kī ngā moni, a, hipa atu i te rua tekau mā rima mano tāra kua kohia mā te whārangi Spark my Potential ki runga i te ipurangi Givealittle.

Ko te Whare Wānanga o Impact tētahi o ngā tino wāhi hei whakarite i ngā kaitākaro poitūkohu kia uru atu ki ngā Kāreti, e waru tekau ōrau o rātou e whakawhiwhia ana ki te karahipi. Ka mutu, e ono marama a Garrick e whakangungu ana ki reira.

E whā ngā tau a Garrick e tākaro ana i te poitūkohu, ko te manako ka āta titiro ngā kaimātai o ngā kāreti i mua tonu i te tīmatanga o te tau hou hei te Mahuru.

He huarahi roa tonu mā Garrick ki te NBA engari e ora tonu ana.