E kōkirihia ana te hātepe tohu i te kapa Ōpango Takiwhitu

Tekau mā waru ngā toki whutupōro e whai ana i ngā tūranga tekau mā rua o te tīma whutupōro takiwhitu ka whakakanohi i a Aotearoa hei te marama e haere ake nei. 

Ko tētahi o aua kaitākaro ko tēnei uri o Ngāti Kahungnu me Ngāti Manawa a Gillies Kaka, i pakeke mai i roto i te whutupōro i te Matau-a-Māui.

Kua puta i te kaiako nei a Gordon Tietjens tōna hiahia ki te kite i ngā pūkenga me te whai wheako o ngā kaitākaro.  He mahi nui kei mua i ngā rā e whā e tū mai nei hei mātua kawe ake mā ngā kaitākaro nei.

Mō te roanga ake o tēnei wiki ka noho puni te kapa ki Tauranga, ka whakaharatau i ngā mahi.

Hei te wiki e tū mai nei ka puta te rārangi kapa.