I a Huripari Cook e tatū atu ana ki te Moana a Toi, kua whakakotahi ngā whakaaro a ngā hapū me ngā marae o te rohe, kia tauawhi i te hunga ka pokea e te waipuke nui.
Kotahi rau, whitu tekau ngā pākete kai kua whakaritea e Kōkohinau Marae mā nga whānau.
E rongo tonu ana te rohe i te whiu o Huripari Debbie, ā, āko ake nei ka tatū mai a Huripari Cook. Heoi ko te whakatau a te Kaunihera ā-Rohe o Whakatāne, kua rite te mahere ohotata ki nga rohe o te Moana a Toi.
Kotahi mano e ono rau te hunga i whakatahia ake i o ratou kainga i te pupūtanga mai o te waipuke, heoi kaore ano te katoa kia whai wāhi ki te hoki atu ki ō rātou kainga, pēnei i a Tapara Reid-Hiakita kua tae mai ki te marae ki te whai āwhina.
Ko te matapae ka piki te kaha o te hau ki te kotahi rau rima tekau kiromita i te haora.
Ko te whakapae a ngā whānau kua rite ake ratou mō tēnei o ngā āwha nui.
