E mātaara ana te āhua o te kaihiki maita wāhine o te whakataetae NZIFBB

Kua rua tau a Chantelle Siteine nō Ngāti Rangiwewehi o Te Arawa waka e whakapeto ngoi ana ki ngā mahi hiki maitai kia eke atu ki te atamira whakawhena uaua o te tauwhāinga NZIFBB hei te rua tekau mā tahi o ngā rā Poutūterangi.

E whakapono ana a Siteine ko te toa hiki maita, me whakapau kaha ia wā e eke panuku ai a ia.

“I tīmata ake ahau mai raro, ka ngaro i ahau i te rua tekau kirokaramu, nō reira kua pae te wāhi mōku te anga whakamua,” te kii a Siteine.

E ai ki te mareikura nei he rua tekau ma toru tau te pakeke ko ngā mahi hiki maita he momo whakapakari i te tīnana mā te kaha papare hei whakatipu i o uaua, ā, i te rangi nei mahi tahi māua i tana tino haratau makau rawa.   

Ko tā Chantelle ki te whakaporotū whirikoka koe ki ngā mahi nei ka puta mai ngā hua, nō reira me mataara e te iwi hei te rua tekau mā tahi o ngā rā o Poutū-te-rangi ka puta tona ihu.