E mōhio ana te kapa Kiwi he wero nui e kainamu mai nei

E wehi ana te kapa Kiwi mō te whakamātautau āpōpō ki te kapa Toa Hamoa ahakoa he wero nui e kainamu mai nei me te mōhio ko ētahi o rātou i tākaro mō te tira Kiwi i tērā tau.

Ka mate ururoa te kapa Kiwi, ko wai atu i a Kieran Foran hei ārahi i a rātou me te mīharo tonu ko Dean Whare tērā ka hāpai i a ia kua ora i te wharanga i tēnei wiki.

Kua auraki mai ia ki te kapa ki te whakatenatena i a ia rātou nā runga i te mōhio he wāia nō Frank Pritchard,  ko Antonio Winterstein rātou ko te kaiurungi a David Fa’alogo ki tō rātou hanga.

Ka tahuri atu te kapa Kiwi ki te poumua nei, ki a Jessie Bromwich ki te ārahi i ngā poumua.

E ai ki ngā kōrero, he tekau mā ono ngā pahi ka whakakīa e te hunga nō Hāmoa, hēoi e ai ki te kaiako a Stephen Kearney ko te hunga ka tae mai ko te hunga taunaki i te kapa Kiwi.

Ka  korowaitia a Whangarei me te kara kahurangi āpōpō, koinei nei te kāinga mō te kapa whutupōro Taniwha o te Tai Tokerau, ka noho hei wahi tutū puehu mō Hāmoa me te tira Kiwi.

Kua rite mārika a Hāmoa mō te kapa Kiwi, hei tā te kaiako o te kapa Hāmoa, tā Matt Parish, he nanakia te kapa Kiwi.

Kua rite mārika a Hāmoa mō te kapa Kiwi, hei tā te kaiako o te kapa Hāmoa, tā Matt Parish, he nanakia te kapa Kiwi.