E noho pōraruraru ana tētahi mauhere nō Aotearoa kei Christmas Island

He apakura nō te whaea o tētahi tangata kua mauhere ki Christmas Island me tāna kī ake, kāore anō rāua kia kōrero noa, mai anō i te uiuihanga ōna i Te Kāea i te Rāhina.

Kei Christmas Island a Ronald Neilson, engari kāore tōna Māmā a Nōpera Souter kia rongo noa i tōna reo mō te kotahi wiki neke atu.

I te Rāhina i pupū te riri ki te whare mauhere i Christmas Island.  I whānau mai a Neilson ki Ahitereiria engari he uruwhenua nō Aotearoa kē tāna.  E ai ki tōna māmā, he uaua te haere mehemea ka panaia atu a ia ki Aotearoa.

I whakaputa te pirimia a John Key i ōna whakāro mo tēnei take.

Heoi i te rangi nei ka tere te whakautu mai a te mema mo Te Tai Tokerau, a Kelvin Davis, me tana whakahē i te Pirimia.

Kua whakaputa anō te Kāwanatanga i ngā pārongo whiu mō ētahi o ngā mauhere kei Christmas Island.

E manako ana a Souter, mā te āwhina a Davis mā ka noho tonu tana tamaiti ki Ahitereiria.

Otira tāria te wā mēnā ka rongo anō a Souter i te reo o tana tamaiti a Ronald.